ကချင်ပြည်နယ်မှ မြို့နယ် ၅ ခု အပါအဝင် တိုင်း/ပြည်နယ် ၉ ခုရှိ ၆၃ မြို့နယ်ကို အရေးပေါ်အခြေအနေ ဆက်လက်ကြေညာ

ကချင်ပြည်နယ် နို၀င်ဘာလ၊ ၁ ရက်၊ ၂၀၂၅ အမျိုးသားကာကွယ်ရေးနှင့် လုံခြုံရေးကောင်စီ (ကာလုံ) သည် ၂၀၂၅ ခုနှစ် အောက်တိုဘာ ၃၁ ရက်နေ့တွင် အမိန့်အမှတ် (၃/၂၀၂၅) ကို ထုတ်ပြန်ကာ တိုင်းဒေသကြီးနှင့် ပြည်နယ် ၉ ခုရှိ မြို့နယ် ၆၃ မြို့နယ်၏ အရေးပေါ်အခြေအနေ သက်တမ်းကို နောက်ထပ် ရက်ပေါင်း ၉၀ ထပ်မံတိုးမြှင့်လိုက်သည်။ ယင်းကြေညာချက်တွင် ကချင်ပြည်နယ်မှ ဆွမ်ပရာဘွမ်၊ ရွှေကူ၊ အင်ဂျန်းယန်၊ ဆော့လော်၊ ချီဖွေ စသည့် မြို့နယ် ၅ ခုလည်း ပါဝင်သည်။ ​ထို့အပြင် ကယားပြည်နယ်ရှိ ရှားတော၊ ဖားဆောင်း၊ မယ်စဲ့မြို့နယ်များ၊ ကရင်ပြည်နယ်ရှိ ကော့ကရိတ်၊ ကြာအင်းဆိပ်ကြီးမြို့နယ်များ၊ ချင်းပြည်နယ်ရှိ မြို့နယ် ၇ ခု၊ […]

ကချင်ပြည်နယ် နေရာအချို့တွင် Mytel အင်တာနက် ပြန်ရ၍ Mytel Sim Card ဈေးနှုန်းများ မြင့်တက်

ကချင်ပြည်နယ် အောက်တိုဘာလ၊ ၂၉ ရက်၊ ၂၀၂၅ ကချင်ပြည်နယ်အတွင်း ရှိအချို့မြို့နယ်များတွင် Mytel အင်တာနက်လိုင်း ပြန်လည်ရရှိလာပြီးနာက် အဆိုပါမြို့နယ်များတွင် Mytel Sim Card များ၏ ဈေးနှုန်းများမှာ သိသိသာသာ မြင့်တက်လာကြောင်း ဒေသခံဈေးကွက် အခြေအနေများအရ သိရသည်။ လက်ရှိ Mytel အင်တာနက်လိုင်း ပြန်လည်ရရှိလာသည့်မြို့နယ်များမှာ မြစ်ကြီးနား၊ မိုးညှင်းနှင့် ပူတာအိုမြို့နယ်တို့ ဖြစ်ပြီး ယခင်က တစ်ကတ်လျှင် ၇၀၀၀ ခန့်သာရှိခဲ့သည့် Mytel Sim Card သည် လက်ရှိအချိန်တွင် တစ်ကတ်လျှင် ကျပ် ၁၅,၀၀၀ မှ ၂,၀၀၀၀ အထိ ပေးဝယ်ယူနေရကြောင်း မြို့ခံများက ပြောသည်။ Mytel အင်တာနက်လိုင်းများပြန်လည်ရရှိလာသော်လည်း Telegram တစ်ခုတည်းကိုသာ VPN မလိုဘဲ သုံးစွဲနိုင်ပြီး၊ အခြားသော […]

မြစ်ကြီးနားမြို့တွင် ညမထွက်ရ အမိန့် ပြန်လည် ထုတ်ပြန်

9-oct-2025 ကချင်ပြည်နယ်၊ မြစ်ကြီးနားမြို့တွင် မြစ်ကြီးနားမြို့ နယ် အထွေထွေအုပ်ချုပ်ရေးဦးစီး ဌာနက ရာဇဝတ်ကျင့်ထုံးဥပဒေပုဒ်မ ၁၄၄ ဖြင့် ညမထွက်ရ အမိန့်ကို အောက်တိုဘာလ ၈ ရက်နေ့တွင် ပြန်လည် ထုတ်ပြန်ခဲ့ကြောင်း သိရသည်။ ဇူလိုင်လ ၃၁ ရက်နေ့တွင် စစ်အုပ်ချုပ်ရေးအမိန့်ကို ပြန်လည် ရုပ်သိမ်းခဲ့သလို တစ်နိုင်ငံလုံးအတိုင်းအတာဖြင့် ညမထွက်ရ အမိန့်များကို ပြန်လည် ရုပ်သိမ်းခဲ့သော်လည်း မြစ်ကြီးနားမြို့တွင် ယခုအခါ ညမထွက်ရ အမိန့်ကို ပြန်လည် ထုတ်ပြန်ခဲ့ခြင်းဖြစ်သည်။ မြစ်ကြီးနားမြို့၏ ညမထွက်ရ အမိန့်မှာ နေ့စဉ် ည ၁၀ နာရီမှ နံနက် ၄ နာရီအချိန်အထိဖြစ်ပြီး လူ ၅ ဦး သို့မဟုတ် ၅ ဦးထက်ပို၍ မြို့နယ်အတွင်း လမ်းမကြီးများ၊ အများ ပြည်သူသွားရာလမ်း၊ […]

ဗန်းမော်တိုက်ပွဲမှာ ကလေးဝနဲ့ မင်းကင်းဘက်ကတက်လာတဲ့ PDF အဖွဲ့ဝင် ၃၀ ကျဆုံး

စက်တင်ဘာ ၊ ၂၇၊ ၂၀၂၅ ကချင်ပြည်နယ်၊ ဗန်းမော်မြို့နယ်မှာဖြစ်ပွားခဲ့တဲ့ တိုက်ပွဲတွေအတွင်း ကလေးဝ နဲ့ မင်းကင်းမြို့နယ်ဘက်က PDF အဖွဲ့ဝင် ၃၀ ဦးကျဆုံးခဲ့တယ်လို့ သတင်းရင်းမြစ်တွေက ပြောပါတယ်။ တိုက်ပွဲအတွင်း ကျဆုံးသွားတဲ့ PDF အဖွဲ့ဝင်တွေထဲမှာ ကလေးဝမြို့နယ်အတွင်းက တပ်ခွဲမှူး ရာထူးရှိသူ တစ်ဦး ပါဝင်ပြီး ကလေးဝ- PDF တပ်ဖွဲ့ဝင် ၁၇ ဦး ၊ မင်းကင်းPDF -တပ်ဖွဲ့ဝင် ကိုးဦးနဲ့ ကလေးခရိုင် မင်းကင်း PDF တပ်ဖွဲ့ဝင် လေးဦး စုစုပေါင်း ၃၀ ကျဆုံးခဲ့တာလို့သိရပါတယ်။ ဗန်းမော်တိုက်ပွဲ စတင်ပြင်းထန်ခဲ့တဲ့ ၂၀၂၄ ခုနှစ် စက်တင်ဘာလကနေ ၂၀၂၅ခုနှစ် စက်တင်ဘာလ ၂၆ ရက် ဒီနေ့အထိ တစ်နှစ်ကာလအတွင်း ဖြစ်ပွားခဲ့တဲ့ တိုက်ပွဲတွေမှာ […]

လန်ဆယ်ဒေသမှာ စစ်တပ်သိမ်းပိုက်ထားတဲ့စခန်းကုန်းကို KIA ကပြန်လည်သိမ်းပိုက်

၂၄-စက်တင်ဘာ-၂၀၂၅ ကချင်ပြည်နယ်၊ ဆော့လော်မြို့နယ်၊ လန်ဆယ်ဒေသမှာ စစ်တပ်နဲ့ ပြည်သူစစ်တို့သိမ်းပိုက်ထားတဲ့ စခန်းကုန်းတစ်ခုကို KIA အဖွဲ့က ပြန်လည်သိမ်းပိုက်ခဲ့တယ်လို့သိရပါတယ်။ စက်တင်ဘာလ ၁၉ ရက်နေ့ကစပြီးလာဟီဆင်နဲ့ လန်ဆယ်ဒေသကို စစ်တပ်နဲ့ ပြည်သူ့စစ်တွေက ထိုးစစ်ဆင်တိုက်ခိုက်ခဲ့တာဖြစ်ပြီး စက်တင်ဘာ ၂၁ ရက်နေ့မှာ KIA အဖွဲ့က စခန်းကုန်းကို ဆုတ်ခွာပေးလိုက်ရတာဖြစ်ပါတယ်။ လက်ရှိ လန်ဆယ်ဒေသမှာ စစ်တပ်နဲ့ KIA အဖွဲ့တို့ တိုက်ပွဲတွေဆက်လက်ဖြစ်ပွားနေပြီး တိုက်ပွဲသတင်းအသေးစိတ် အခြေအနေကို နှစ်ဘက်လုံးကထုတ်ပြန်ခြင်းမရှိသေးပါဘူး။

ဖားကန့်မြို့တွင် လက်နက်ကြီးကျည် ကျရောက်ပေါက်ကွဲ၍ ကလေးတစ်ဦးသေဆုံးကာ တစ်ဦးဒဏ်ရာရ

Sep-18-2025 ကချင်ပြည်နယ်၊ ဖားကန့်မြို့၊ ဆိုင်းတောင်ကျေးရွာအနီးတွင် စက်တင်ဘာ ၁၇ရက် ညနေ ၄နာရီခန့်က ကလေးငယ်များကစားနေသည့် နေရာအနီး လက်နက်ကြီးကျည် ကျရောက်ပေါက်ကွဲ၍ (၉)နှစ်အရွယ် ကလေးတဦး သေဆုံးကာ ကလေးငယ်တစ်ဦး ဒဏ်ရာရခဲ့‌ ကြောင်း‌သိရသည်။ သေဆုံးသည့်ကလေးငယ်မှာ (၉)နှစ်အရွယ်ရှိ မိန်းက‌လေးငယ်ဖြစ်ပြီး ဒဏ်ရာရရှိခဲ့သည့် အခြားမိန်းကလေးငယ်မှာ ဆေးကုသမှုခံယူ နေကြောင်းသိရသည်။ အင်အား ၁၀၀၀ကျော်ပါဝင်သည့် စစ်တပ်စစ်ကြောင်းသည် ပြီးခဲ့သည့် ဇွန်လဆန်းနှင့် ဩဂုတ်လဆန်းတွင် ဖားကန့်မြို့သို့ ဝင်ရောက်လာပြီး (KIA)၊KPDF ပူးပေါင်းတပ်များနှင့် တိုက်ပွဲပြင်းထန်နေခြင်း ဖြစ်သည်။ လက်ရှိတွင် စစ်ရေးတင်းမာ‌နေသော ကျေးရွာများမှ ဒေသခံများသည် စစ်ကြောင်းသတင်းနားစွင့်ကာ ဘေးလွတ်ရာသို့ တိမ်းရှောင်နေကြရသည်။